ສາລະໜ້າຮູ້ : 8 ຂໍ້​ປະ­ຕິ­ບັດ​ດີໆ​ເພື່ອ​ປ້ອງກັນ​ບັນ­ຫາ​ຫົວ­ລ້ານ​ສຳ­ລັບ​ທ່ານ​ຊາຍ

8 ຂໍ້ປະ­ຕິ­ບັດດີໆເພື່ອປ້ອງກັນບັນ­ຫາຫົວ­ລ້ານສຳ­ລັບທ່ານຊາຍ

     ໂດຍທົ່ວໄປແລ້ວຜູ້ຊາຍມີຄວາມສ່ຽງທີ່ຈະຫົວ­ລ້ານໄດ້ແຕ່ອາ­ຍຸ 21 Œ 35 ປີ ໂດຍມີສັນ­ຍານເຕືອນເຖິງຜົມທີ່ຫລຸດຫຼົ່ນຫຼາຍກວ່າປົກ­ກະ­ຕິ ຈົນໃນທີ່ສຸດຜົມກໍ່ບາງ ແລະ ລ້ານຢ່າງທີ່ເຫັນໄດ້ຈາກຕົວ­ຢ່າງບາງຄົນ ແລະ ຖ້າບໍ່ຮູ້ວ່າຈະຕ້ອງເຮັດແນວ­ໃດ ມື້­ນີ້ແອັດມີເຄັດລັບເບິ່ງ­ແຍງເສັ້ນຜົມ ແລະ ຫນັງຫົວມາຝາກ ຖ້າປະ­ຕິ­ບັດແບບນີ້ໄດ້ຮັບ­ຮອງວ່າຫົວບໍ່ລ້ານຢ່າງແນ່­ນອນ.

 

  1. ອ່ອນ­ໂຍນກັບເສັ້ນຜົມ ແລະ ຫນັງຫົວ: ຢຸດໃຊ້ໄດ ເປົ່າຜົມທີ່ມີຄວາມຮ້ອນສູງເປົ່າຈົນແຫ້ງເລື້ອຍໆ ແລະ ຫ້າມໃຊ້ຜ້າຂົນ­ໜູເຊັດຜົມແຮງໆ ເນື່ອງຈາກຮາກຜົມຂອງເຮົາອ່ອນ­ແອກວ່າທີ່ທ່ານຄິດ.
  2. ຢ່າສະຜົມທຸກມື້: ດ້ວຍຄວາມທີ່ຜົມສັ້ນ ບາງຄົນກໍ່ສະທັງເຊົ້າ ແລະ ແລງ ເຊິ່ງຮູ້ຫລືບໍ່ວ່າ: ນັ້ນແມ່ນເປັນການທຳ­ຮ້າຍເສັ້ນຜົມອີກທາງຫນື່ງ ເນື່ອງຈາກສານເຄມີໃນຢາ­ສະ­ຜົມ ແລະ ຄີມນວດຜົມກໍ່ສາ­ມາດທຳ­ຮ້າຍຮາກຜົມລວມທັງນ້ຳ­ມັນທຳມະຊາດທີ່ມີ ໃນຫນັງຫົວດ້ວຍ.
  3. ຕັດຜົມສັ້ນສະ­ເຫມີ: ເພາະຜົມຍາວອາດຈະດຶງຮາກຜົມຫຼາຍຂື້ນ ຈົນເຮັດໃຫ້ຜົມທາງເທິງຂອງທ່ານບາງລົງ ແລະ ຜົມທີ່ຍາວກໍ່ຍ່ອມຕ້ອງ­ການສານອາ­ຫານມາເບິ່ງ­ແຍງຕະ­ຫລອດທັງເສັ້ນ ຫລາຍຂື້ນ.
  4. ປັດສະຈາກການໃຊ້ຫວີເລື້ອຍໆ: ເພາະຜົມສັ້ນບໍ່ ຈຳ­ເປັນຕ້ອງໃຊ້ຫວີເລີຍດ້ວຍຊ້ຳ ຖ້າເປັນໄປໄດ້ກໍ່ຄວນຈະໃຊ້ຫວີໃຫ້ຫນ້ອຍທີ່ສຸດ ເພາະການຫວີຜົມດ້ວຍຫວີເລື້ອຍໆຈະຍິ່ງເປັນການທຳ­ຮ້າຍຮາກຜົມໃຫ້ ອ່ອນ­ແອ ຜົມກໍ່ມີໂອ­ກາດຫລຸດຫລົ່ນໄດ້ງ່າຍຂື້ນ.
  5. ຫມັ່ນສັງ­ເກດຕົນເອງ: ຕ້ອງຫມັ່ນສັງ­ເກດວ່າ ມື້­ນີ້ຜົມເຮົາຫລົ່ນຫລືບໍ່ ຫລື ໃນຂະ­ນະທີ່ສະຜົມ ແລະ ຫວີ ມີເສັ້ນຜົມຕິດມານຳຫວີຫລືບໍ່ ຖ້າພົບເຫັນຂັ້ນທຳອິດໃຫ້ທ່ານລອງປຶກ­ສາແພດຜິວ­ຫນັງກ່ອນ ເພື່ອຫາສາ­ເຫດຂອງບັນ­ຫາຜົມຫລົ່ນເກີນຂະ­ຫນາດ ຈາກນັ້ນກໍ່ຄ່ອຍໆຫາທາງຮັກ­ສາກັນຕໍ່ໄປ.
  6. ກິນອາ­ຫານທີ່ມີປະ­ໂຫຍດ: ໂດຍເລີ່ມຈາກສານ ອາ­ຫານທີ່ຊ່ວຍເບິ່ງ­ແຍງເສັ້ນຜົມຢ່າງ: ອາ­ຫານທີ່ມີທາດເຫລັກ, ວິ­ຕາ­ມິນທຸກຊະນິດທີ່ມີໃນຜັກ ແລະ ຫມາກໄມ້ ໂດຍສະ­ເພາະແມ່ນວິ­ຕາ­ມິນເບ.
  7. ຢ່າໃສ່ຫມວກປົກປິກເລື້ອຍໆ: ເພາະການໃສ່ຫມວກ ຢູ່ຕະ­ຫລອດເວ­ລາກໍ່ບໍ່ຕ່າງຫຍັງກັບການນຳເອົາຄວາມຮ້ອນມາໃຫ້ຜົມ ຕະ­ຫລອດ ເຊິ່ງເມື່ອຜົມພົບອຸນ­ນະ­ພູມສູງໆ ມັນກໍ່ຈະມີໂອ­ກາດຫລຸດຫລົ່ນຫລາຍຂື້ນເຊັ່ນກັນ.
  8. ຢ່າຄິດ ແລະ ກັງ­ວົນຫລາຍຈົນເກີນໄປ: ເພາະການຄິດ ຫລາຍກໍ່ເປັນສາ­ເຫດສຳ­ຄັນທີ່ເຮັດໃຫ້ຜົມຫລຸດຫລົ່ນໄດ້ ແຖມຍັງສົ່ງຜົນເສຍຕໍ່ສຸ­ຂະ­ພາບອີກຫລາຍປະ­ການ ລວມທັງເຮັດໃຫ້ຫນ້າເຖົ້າແກ່ກ່ອນອາ­ຍຸອີກດ້ວຍ.

 

About Devteeno 53 Articles
I AM TEENO

Be the first to comment

Leave a Reply

Your email address will not be published.


*