ກ່ຽວກັບຂ້ອຍ

ໜ້ານີ້ເປັນຂໍ້ມູນສ່ວນຕົວຂອງເຈົ້າຂອງເວັບ  teeno.loungos.com ລ້ວນໆ

ສະບາຍດີ………….. ຂໍສະແດງຄວາມຍິນດີ ແລະຕ້ອນຮັບບັນດາທ່ານທີ່ແວ່ມາຢ້ຽມຢາມເວັບໄຊອ່ານໃຫ້ຈົບແລ້ວຈະຮູ້ຈັກແອັດມິນຫຼາຍຂື້ນ

ສະບາຍກັນຢ່າງເປັນທາງການອີກເທື່ອໜື່ງແອັດມິນ ຊື່ວ່າ ຕີໂນ່ ຈຸນລະມານີ ເກີດ 28/10/1996(20ປີລະໄດ໋)

ນິດໃສ: ເປັນຄົນຕະລົກເຮາ,ເປັນກັນເອງ,ມີຄວາມພະຍາຍາມສູງ,ຈິງຈັງ, ເຮັດທຸກຢ່າງດ້ວຍຄວາມຕັ້ງໃຈ….

ປັດຈຸບັນເປັນນັກສຶກສາຢູ່ ຄະນະວິສະວະກຳສາດ ສາຂາວິສະວະກຳຄອມພີວເຕີ ແລະ ເຕັກໂນໂລຊີຂໍ້ມູນຂ່າວສານປີ 2   ຮຽນສາຍພາສາອັງກິດ ທຸລະກິດ ຢູ່ວິທະຍາໄລລາວ-ທ໊ອບ ປີ 2 .ຈາກຄົນທີ່ພໍມີພື້ນຖານກ່ຽວກັບການນຳໃຊ້ຄອມພີວເຕີມາເລັກນ້ອຍ ບໍ່ຄິດວ່າຕົວເອງຈະມາຮຽນສາຍນີ້ ແລະ ຫາກໍມາຮູ້ຈັກນຳໃຊ້ ຄອມພີວເຕີ ຢ່າງຈິງຈັງ ກໍຕອນມາຮຽນຢູ່ ມ.ຊ ນີ້ແລະ!!! ຮຸຮຸ  ແລະ ນັບແຕ່ເລີ່ມເຂົ້າຮຽນກໍ່ຍັງບໍ່ມີຄອມພີວເຕີເປັນຂອງຕົນເອງ.ນັ້ນເອງຈື່ງເປັນຈຸດເລີ່ມຕົ້ນຮຽນ ແລະ ນຳໃຊ້ຢ່າງເປັນຈິງເປັນຈັງ ນັ້ນກໍຍີ່ງເຮັດໃຫ້ຕົນເອງຮຽນບໍ່ຄ່ອຍເກັ່ງ ແລະ ບໍ່ທັນກັບໝູ່ປານໃດ. ດັ່ງນັ້ນຂ້ອຍຈື່ງພະຍາຍາມຫາທຸກວິທີທາງເພື່ອຈະຮຽນໃຫ້ທັນໝູ່ເລີຍປຶກສາໝູ່, ຖາມລຸ້ນອ້າຍ,ຄົ້ນຢູ່ໃນອີນເຕີເນັດ.

   ເປັນຫຍັງຈື່ງຂຽນເວັບໄຊນີ້ ?

 ໂດຍເວັບໄຊນີ້ສ້າງຂຶ້ນໂດຍມີຈຸດປະສົງເພື່ອໃຊ້ເປັນບ່ອນສະໜອງຂໍ້ມູນໃຫ້ນັກສຶກສາ ຫຼືຜູ້ທີ່ມີຄວາມມັກໃນເລື່ອງຂອງໄອທີ ແລະ ພາສາອັງກິດ ເບື້ອງຕົ້ນຂ້າພະເຈົ້າຈະລວບລວມເລື່ອງລາວທີ່ກ່ຽວກັບພາສາທີ່ໃຊ້ໃນການສ້າງ ແລະພັດທະນາເວັບໄຊ ໂດຍມີເນື້ອໃນເໝາະສົມສຳລັບຜູ້ທີ່ຢາກເລີ່ມຕົ້ນໃຫ້ລອງສຶກສາ ເຊັ່ນ: ພາສາ HTML,CSS, Javascritp, PHP ຫຼືສ້າງເວັບໄຊດ້ວຍໂປຣແກຣມ Notepad,Notepad ++, Sublime, Adobe Dreamweaver ຄຽງຄູ່ກັບໂປຣແກຣມສຳລັບສ້າງພາບກຣາບຟິກ ເພື່ອຊ່ວຍໃຫ້ການອອກແບບໜ້າເວັບໃຫ້ສວຍງາມເປັນຕົ້ນວ່າ ໂປຣແກຣມ Adobe Photoshop, ອື່ນໆ. ນອກນີ້ຍັງມີໂປແກມທີ່ເຮັດສອນກ່ຽວກັບ ຄອມພີວເຕີທົ່ວໄປ ທີ່ທຸກຄົນສາມາດຮຽນຮູ້ໄດ້ ທຸກລະດັບ.
     ຫວັງຢ່າງຍິ່ງວ່າ ເວັບໄຊນີ້ຈະມີປະໂຫຍດຕໍ່ທ່ານບໍ່ຫຼາຍກໍ່ໜ້ອຍ ແລະຖ້າມີອັນໃດຜິດພາດກໍ່ຕ້ອງຂໍອະໄພມາຍັງທີ່ນີ້ດ້ວຍຫຼືທ່ານໃດມີຄຳຄິດເຫັນໃດໆຢາກແນະນຳສົ່ງຂ່າວເພື່ອປະກອບສ່ວນໃນການພັດທະນາເວັບໄຊນີ້ໃຫ້ເກີດປະໂຫຍດສູງສຸດແກ່ການສຶກສາຂອງບ້ານເຮົາ ຫຼືທຸກໆຄົນ ກໍ່ສາມາດສົ່ງມາໄດ້ຕາມທີ່ຢູ່ທີ່ບອກໄວ້ໃນເວັບໄຊນີ້.

ແລະອີກຢ່າງໜື່ງ,ຄົນລາວຍັງມີການເຂົ້າເຖິງທາງດ້ານຂໍ້ມູນຂ່າວສານທີ່ເປັນພາສາລາວໄດ້ໜ້ອຍ ເພາະຄົນທີ່ພັດທະນາທາງດ້ານເວັບໄຊ ແລະ ຂຽນເວັບໄຊຍັງມີໜ້ອຍ.ເຫດຜົນຫຼັກທີ່ຂຽນເວັບໄຊນີ້ຂື້ນມາເພື່ອເປັນສ່ວນໜື່ງໃນການເຜີຍແຜ່ ຂໍ້ມູນ ຂ່າວສານ ສາລະດີໆສູ່ສັງຄົມ. ການຂຽນເວັບໄຊໃນຍາມທີ່ຫວ່າງຈາກການຮຽນມາຂຽນບົດຄວາມລົງເວັບໄຊ ເຊີ່ງການຂຽນບົດຄວາມກໍ່ຈະເຮັດໃຫ້ເຮົາໄດ້ຄົ້ນຄວ້າຫົວຂໍ້ທີຕົນເອງບໍ່ເຄີຍຮູ້ ຫຼື ບໍ່ກໍ່ເປັນການຂຽນສີ່ງທີຕົນເອງຮູ້ແລ້ວລົງເວັບໄຊເພື່ອທົບທວນຄວາມຈຳ ຫຼື ກັນລືມ  ແລະ ທີ່ສຳຄັນທີ່ສຸດແມ່ນການເກັບກຳ ແລະ ຖ່າຍທອດຄວາມຮູ້ສີ່ງທີ່ຮຽນມາສູ່ສັງຄົມ,ລຸ້ນນ້ອງ,ບຸກຄົນທົ່ວໄປທີ່ສົນໃຈທາງດ້ານເຕັກໂນໂລຊີ,ພາສາອັງກິດ ແລະ ຄວາມຮູ້ທີ່ມີສາລະຕ່າງໆ….

   ເຄີຍມີປະຫວັດແລະຜົນງານຫຍັງມາກ່ອນບໍ ?

  • ຖ້າເວົ້າເຖີງປະຫວັດຂ້ອຍນີ້ຍາວຫຼາຍໄດ໋ ຈະຂໍເລົ່າຫຍໍ້ໆສາເນາະ ຕະຫຼອດໄລຍະການຮຽນມໍຕົ້ນ ແລະ ມໍປາຍມາໄດ້ສ້າງຜົນງານໃຫ້ກັບໂຮງຮຽນມສນາປາ(ບ່ອນທີ່ເຄີຍສຶກສາ) ບໍ່ໜ້ອຍທາງດ້ານການຮຽນ ແລະ ກິດຈະກຳຕ່າງໆຂອງໂຮງຮຽນ ກິລາສິລະປະບໍ່ແມ່ນໜ້ອຍ  ໄດ້ຮັບໃບຍ້ອງຍໍນັກຮຽນດີເດັ່ນ ປະຈຳໂຮງຮຽນ,ທີ່ເດັ່ນໆກໍ່ຄື ສົກຮຽນ2014-2015 ໄດ້ຮັບລາງວັນທີ່1 ສາຍວິຊາພາສາລາວ-ວັນນະຄະດີ ປະຈຳແຂວງຊຽງຂວາງ.ຢາກເບີ່ງຮູບຕ້ອງຕິດຕາມ ຫຼື ອີນບອກທາງເຟສບຸກ ເຮເຮ ນອກນັ້ນ ຍັງມີ:

-ເຄີຍເປັນອາສາສະໝັກ ໃນງານ Barcamp 2015ຢູ່ວິທະຍາໄລເຕັກນິກປາກປະສັກ.

– ເຄີຍເປັນອາສາສະໝັກ ໃນງານ; Vientaine Haft Marathon 2016,Vientiane Grow Run 2016,Training at America Center, Vientaine Career Fair 2016, Start up weekend 2016, GDG Vientaine …. ບໍ່ຈື່ແລ້ວ….ຍັງມີຫຍັງອີກເນາະຄິດໄດ້ຈື່ງຂຽນຕໍ່ ເຮີເຮີ

–  ຈົບຫຼັກສູດການພັດທະນາແອັບພີເຄເຊີນ Study Jam 2016 (ຄວາມຮູ້ພື້ນຖານກ່ຽວກັບການພັດທະນາແອັບມືຖື).

-ແຂ່ງຂັນ Speech Contest 2016 at America center.

-ແຂ່ງຂັນ Spelling B ຢູ່ວິທະຍາໄລລາວ-ທ໊ອບ ໄດ້ທີ່2  2016.

– ເຂົ້າຮ່ວມໂຄງການນັກສຶກສາລາວຢີ່ປຸ່ນ Diversity Voyage 2016 ລ່າສຸດ  ອັນທີ່ກ່າວມາຍັງບໍ່ໝົດໄດ໋ 5555 ບໍ່ໄດ້ຕວະອີກ

    ປັດຈຸບັນເຮັດຫຍັງແດ່ ?

-ເປັນອາສາສະໝັກ ແລະ ເປັນສະມາຊິກຂອງກຸ່ມ GDG Vientaine Laos.

– ກຸ່ມນັກພັດທະນາແອັບ ແລະ ເວັບໄຊ ຢູ່ ບໍລິສັດໄອທີພັດທະນາ ແລະ ທີມງານ GDG.

-ເປັນນັກສຶກສາປີທີ່2 ຢູ່ ຄະນະວິສະວະກຳຄອມພິວເຕີ ແລະ ເຕັກໂນໂລຊີຂໍ້ມູນຂ່າວສານ.

-ເປັນນັກສຶກສາປີທີ່2 ຢູ່ວິທະຍາໄລລາວ-ທ໋ອບ ສາຂາ ພາສາອັງກິດ ທຸລະກິດ.

-ຕັດໜັງ,ລະຄອນ,ເຮັດໂລ້ໂກ້,ໂພສເຕີ ງານຟຣີແຣນ ໄຜຊວນກະໄປຫັນແລະ ເຮເຮ ອ່ານມາຍາວພໍສົມຄວນ ຢ່າຟ້າວເບື່ອແອັດມີນເດີ.

   ຖ້າໃຜເຫັນຂ້ອຍກໍ່ທັກໄດ້ ຢາກບອກວ່າ ຂ້ອຍບໍ່ໄດ້ຂີ້ຄຸຍ ເປັນກັນເອງ ແລະ ທີ່ສຳຄັນຂ້ອຍໂມ້ເກັ່ງ ເພາະຂ້ອຍແມ່ນຫລານລຸງໂອ້ດຂີ້ໂມ້ 555

        ຂອບໃຈອ່ານຈົນຈົບ ແລະ ຢາກຂອບໃຈຜູ້ໃຫຍ່ໃຈດີທີ່ສະໜັບສະໜູນໃຫ້ເກີດເວັບໄຊນີ້ຂຶ້ນມາ

gdgdjpg

 

About Devteeno 53 Articles
I AM TEENO

Be the first to comment

Leave a Reply

Your email address will not be published.


*